|
Partia e Drejtėsisė shtroi iftar pėr personalitete tė larta politike e fetare tė vendin |
|
|
Prishtinë, 23 gusht 2010
Të hënën më 23 gusht, në hotel “Victory” në Prishtinë, Partia e Drejtësisë shtroi iftar për personalitete të larta politike e fetare të vendin si dhe për njerëz të kulturës, shkencës dhe aktivistë të PD.
Në iftarin e shtruar nga PD-ja qenë të pranishëm, kryeministri i Republikës së Kosovës, Hashim Thaçi, myftiu i së Kosovës, Mr. Naim ef. Tërnava, zëvendëskryeministri, Hajredin Kuçi, kryetari i PSD, Agim Çeku, kryetari i Lëvizjes për Bashkim, Avni Klinaku, nënkryetari I LDD-së, Naser Rugova, kryetari I Forumit Rinor së LDK-së, Xhafer Tahiri e shumë të ftuar të tjerë.
Nikoqiri, kryetari PD-së, dr. Ferid Agani falënderoi mysafirët për prezencën e tyre, si dhe shpalosi disa pika kyçe mbi vizionin e PD-së duke ritheksuar orientimin e saj drejt mbrojtjes së vlerave fetare dhe kombëtare të popullit shqiptar si dhe duke shprehur vendosmërinë për angazhimin drejt integrimeve në struktura të larta të BE-së. Ai po ashtu nuk harroi të falënderojë të gjithë popujt dhe shtetet mike që dhanë kontribut në lirinë dhe shtet-ndërtimin e Kosovës, me në krye SHBA-të.
Në emër të mysafirëve foli, Myftiu i Kosovës, Mr. Naim ef. Tërnava, i cili pasi falënderoj nikoqirin e përshëndeti mysafirët, tha se duhet ndjekur ky model i bashkimit pranë njëri-tjetrit rreth “sofrës së Zotit të Madhëruar”, sikur në këtë muaj të Ramazanit, që është edhe muaj i shpalljes së Kuranit. Për fund, Myftiu bëri edhe lutjen e ushqimit bashkë me mysafirët. |
