| Myftiu Tėrnava priti Ambasadorin shqiptar nė Prishtinė Islam Lauka |
|
|
Prishtinë, 22 maj 2009  Myftiu i Kosovës, Mr. Naim Tërnava, ka pritur sot në takim njohës në selinë e Kryesisë së BI të Kosovës, Ambasadorin e Shqipërisë në Prishtinë, Islam Lauka. “Zotni Ambasador ne me Mision Diplomatik të Shqipërisë në Prishtinë, që më parë ka qenë në nivel zyre kemi pasur një bashkëpunim të shkëlqyeshëm, përse i falënderoj të gjithë diplomatët që kanë shërbyer. Të njëjtën frymë të bashkëpunimit e mirëkuptimit do e keni edhe ju si ambasador i parë i Shqipërisë në Kosovë, me shpresë se bashkëpunimi ynë vetëm sa do të njoh rritje në fushat me interes për dy shtetet tona.” Myftiu Tërnava ka çmuar rolin e shtetit dhe të diplomacisë shqiptare si para, gjatë dhe pas shpalljes së pavarësisë së Kosovës, sidomos tani kur diplomacia shqiptare ka bërë dhe po bënë shumë në lobimin nëpër botë për njohjen e shtetësisë së Kosovës. Ambasadori Islam Lauka, pasi e ka falënderuar Myftiun për pritjen, ka çmuar rolin e Bashkësisë Islame të Kosovës në kultivimin e tolerancës dhe mirëkuptimit ndërfetar e ndëretnik. Myftiu Tërnava dhe Ambasadori Lauka tolerancën e mirëkuptimin ndërfetar e konsideruan si vlerë të popullit shqiptar që duhet kultivuar edhe në të ardhmen. Në takim u bisedua edhe për marrëdhëniet dhe bashkëpunimin e shkëlqyeshëm të dy bashkësive islame, asaj të Shqipërisë dhe të Kosovës. |
| < I mėparshmi | Tjetri > |
|---|