Prishtinë, 20 tetor 2011
Njoftim për media
(Ftesë)

Nesër, më 21 tetor nga Aeroporti Ndërkombëtarë “Adem Jashari”, i Prishtinës, në ora 7.30, bëhet nisja e besimtarëve tanë për në Haxh.
Paraprakisht ju falënderojmë për mirëkuptim!

Prishtinë, 19 tetor 2011

Myftiu i Kosovës, Mr. Naim Tërnava u prit sot nga kryetari i Komunës së Fushë -Kosovës, Burim Berisha, me të cilin bashkëbiseduan për bashkëpunimin mes dy institucioneve. 

 Myftiu Tërnava, pasi falënderoi kryetarin Berisha për pritjen, e njohu atë me vendimin e forumeve të BIK që nga viti i ardhshëm edhe Fushë-Kosova do të ketë Këshillin e Bashkësisë Islame të pavarur, i cili do të organizoj dhe mbikëqyrë jetën fetare islame në territorin administrativ të komunës së Fushë-Kosovës.

Prishtinë, 19 tetor 2011


Myftiu Kosovës, Mr. Naim Tërnava priti sot ambasadorin e Mbretërisë së Bashkuar në Prishtinë, Ian Cameron Cliff.
Myftiu Tërnava falënderoj ambasadorin për vizitën në BIK dhe shprehu mirenjohejen dhe konsideratën e popullit të Kosovës për kontributin dhe mbështetjen e Mbretërisë së bashkuar për Kosovën para, gjatë dhe pas luftës. Myftiu po ashtu çmoi lartë edhe kontributin dhe ndihëm e Mbretërisë së Bashkuar për Kosovën në proceset shtetformuese.

Prishtinë, 17 tetor 2011

Jemi të përkushtuar që të ndihmojmë e përkrahim Kosovën në forumet dhe organizmat ndërkombëtarë

Me ftesë të Myftiut të Kosovës, Mr. Naim Tërnava po qëndron për vizitë në Kosovë një delegacion i lartë i Ministrisë së çështjeve të fesë të Arabisë saudite i prirë nga zëvendësministrit, Abdul Aziz Al- Amar.

Të mërkurën më 12 tetor, Kryesia e Bashkësisë Islame të Kosovës, në amfiteatrin e Bibliotekës Kombëtare Universitare të Kosovës, promovoi “Fjalorin arabisht-shqip” të  prof. dr Isa Memishit. Fjalori ka dy vëllime me dy mijë faqe ku dr. Isa Memishi ka përfshirë 100 mijë fjalë. Fjalori është botuar nga shtëpia botuese “Libri shkollor”, e ajo që duhet potencuar së është botimi i parë në Kosovë në këtë format.

Myftiu i Kosovës, Mr. Naim Tërnava i shoqëruar nga bashkëpunëtorët dhe nga përfaqësuesit e Këshillit të Bashkësisë Islame të Therandës, më 6 tetor 2011, qëndroj për vizitë,fshatin Maçitevë të komunës së Therandës, i cili është një ndër fshatrat më të thella të kësaj ane.
Banorët e Maçitevës në mënyrë të organizuar i bënë pritje madhështore myftiut Tërnava dhe bashkëpunëtorëve të tij. Pritja për myftiun fillimisht u bë tek objekti në ndërtim e sipër i xhamisë. Për ta pritur myftiun tek xhamia kishin dal pleqtë e katundit të prirë nga plaku 98 vjeçar haxhi Adem Aliu. Në fytyrat e banorëve të Maçitevës shihej kënaqësia që pas shumë peripecive edhe fshati i tyre do ketë xhami.

Prishtinë, 5 tetor 2011

Myftiu i Kosovës, mr. Naim Tërnava qëndroi për vizitë në Gjilan me ç’rast u prit nga kryetari i Komunës, z.Qemajl Mustafa, me të cilin bashkëbiseduan për bashkëpunimin mes dy institucioneve, para dhe pas luftës në Kosovë.