Mr. Qemajl Morina

                              Diplomacia kosovare

                               Kosova dhe bota islame një vit pas pavarësisë

Më 17 shkurt bëhet një vit nga shpallja e pavarësisë së Kosovës. Një vit i punës së institucioneve të Kosovës të pavarura nga institucionet ndërkombëtare. Njëra prej sfidave me të cilën u ballafaqua Kosova si shteti më i ri në Evropë dhe në botë, gjatë vitit që lamë pas,  pa dyshim se ishte njohja ndërkombëtare e pavarësisë dhe sovranitetit të saj. Në një anë, kishim përpjekjet e institucioneve të Kosovës për sensibilizimin e qeverive të shteteve të ndryshme të botës për njohjen e pavarësisë  së Kosovës, në anën tjetër diplomacia serbe e përkrahur fuqishëm nga Federata Ruse bënte çmos për pengimin e këtyre njohjeve. Çështja më në fund shkoi Asamblenë e  Organizatës së Kombeve të Bashkuara në Nju Jork, ku Serbia pati sukses të kaloj rezolutën për Kosovën në Gjygjin Ndërkombëtar të Drejtësisë  në Hagë.

 Një nga plagët e mëdha të Bosnjës, e shkaktuar nga urrejtja fetare e kthyer në politikë shtetëror, duket
se mori më në fund rrugën e shërimit. Gjykata e qytetit të Banja Lukës, në të quajturën "Serpska Republika", pra pjesa e Bosnjës e kontrolluar dhe banuar nga serbët, mori vendim me 20 shkurt që Serpska Republika t'i paguajë Komunitetit Islamik të Banja Lukës, 42 milionë dollarë si zhdëmtim për shkatërrimin e xhamive të këtij qyteti gjatë luftës së viteve 1992-1995.

Analizë

Mr. Qemajl Morina

Samiti në Adis Abeba për krijimin e Shteteve të Bashkuara të Afrikës- Muamer el-Gadafi – lider i Afrikës

Prej 1-3 shkurt në kryeqytetin e Etiopisë, Adis Abeba, zhvilloi punimet e tij Samiti i Unionit Afrikan, i cili në gjirin e tij ngërthen 53 shtete të kontinentit të Afrikës. Meqenëse, një numër i konsideruar i vendeve arabe, në aspektin gjeografik bëjnë pjesë në kontinentin e Afrikës, ato përveç pjesëmarrjes në Ligën Arabe dhe  në Organizatën e Konferencës Islamike, ato marrin pjesë  aktive edhe në  Unionin Afrikan,  si njërin prej organizmave më të mëdha të OKB-së, pas Organizatës së Konferencës Islamike. Vendet arabe, siç janë: Egjipti, Algjeria, Libia, Maroku, Sudani, Tunizi luajnë një rol të rëndësishëm në aspektin e zhvillimit ekonomik dhe kulturor të shumë vendeve afrikane.

Analizë

Mr. Qemajl Morina

Që nga nëntori i vitit të kaluar, mediat arabe dhe islame  kanë prognozuar se me ardhjen e  presidentit të  ri amerikan, Barak Obama, në Shtëpinë e Bardhë,   do të ndryshoj qasja e politikës amerikane ndaj botës arabe dhe  islame.  Kështu, ai kishte  premtua  gjatë  fushatës së tij  parazgjedhore. Andaj, deklaratat  e tij të para, qoftë menjëherë pas dhënies së betimit, si president i 44 i SHBA-ve, apo intervista  e tij  e parë  dhënë televizionit arab "al-Arabija"  u priten me një lehtësi të madhe si në mediat arabe dhe islame,  poashtu edhe te pjesa dërrmues e opinionit.

Mr. Qemajl Morina

Agresioni izraelit në Gazë po hyn në ditën e tetëmbëdhjetë, pamjet tmerruese që po vijnë nga Rripi i Gazës po ndikojnë në  tërë botën. Protestat nga të gjitha anët po u paraprijnë lajmeve në mediat më të fuqishme botërore, qofshin ato të Lindjes apo të Perëndimit. Kosova, edhe pse, vetëm pak më shumë se nëntë vite më parë ishte në lëkurën e palestinezëve, institucionet e saj, deri më tash ka preferuar heshtjen lidhur me atë se çka po ndodh në Rripin e Gazës.